INKAIHHRUAINA DAN
1. Intihsiakna hi November 21 – December 8, 2011 chhung neih tura ruahman a ni.
2. Kohhran Thalai pawl, NGO, Drama Club leh Thian zaho tel theih a ni anga, a changtu mi 10 aia tlemlo tur a ni.
3. A tel turte tan Entry Form MSACS office leh Art & Culture Dept. office-ah lak theih a ni a, October 25, 2011 thleng thehluh theih a ni ang. Chan hun tur (fixture) hi siamfel anih hnuah puan a ni ang.
4. Thupui (Theme) thlanchhuah 4 hmangin script buatsaih tur a ni. Thupui turte chu:
a) HIV laka inven- Mimal mawhphurhna (Prevention, ones responsibility)
b) HIV veite thinhrikna leh endawngna tih bo (Removing stigma & discrimination)
c) HIV positive-te tana beiseina eng (Hope for People Living with HIV/AIDS)
d) HIV/AIDS – Ram leh hnam thanna ti thuanawp thei natna (Socio-economic impact of HIV/AIDS)
5. Script hi khawiah mah la chan loh a ni tur a ni a, Mizo tawnga ziak leh chan tur a ni.
6. A tel tur ten an chan hmain Script an thehlut tur a ni a, thehlut lote chu disqualify an ni ang.
7. Intihsiakna hi round thum (3) a buatsaih tur a ni ang, hetiangin:
- 1st Round, Top 20 leh Top 5 (Final Round)
8. 1st Round hi minute 10-12 inkar chan tur a ni a, hmanrua, thuam famkim leh sound effect hman phal a ni ang. He round atang hian Top 20 a inel tur thlanchhuah an ni ang.
9. Top 20 hi minute 15-20 chhung chan tur a ni tawh anga, He round atang hian a ti tha 5, Final Round-a lut tur thlanchhuah an ni ang.
10. Final round hi minute 20-30 chhung chan tur a ni ang. Final Round-ah hian 1na, 2na leh 3na thlan an ni anga, a bang 2 hnenah Consolation Prize pek an ni ang.
11. Round zawng zawngah te hian Theme chhunga Script ngai hlir emaw a hran emaw chan theih a ni ang.
12. Top 20 Round atangin Best Scriptwriter thlan a ni anga, script te hi endik turin chan hmaa thehluh vek tur a ni.
13. Best Actor, Actress leh Director lawmman Top 5/ Final Round atanga thlan tur a ni ang.
14. Sound effect te hi live/recorded hman phal a ni anga, a changtute inbiakna erawh chu record sa hman phal a ni lovang.
15. Drama chang tur ten an mamawh angin stage an chei danglam phalsak an ni anga, mahse hei hian a hranpain point a keng tel lovang.
16. Mi pakhat tan Drama party pakhatah bak tel phal a ni lovang. Lo tel kawp an awm chuan a telnate disqualify an ni ang.
17. A hmunah bungrua - dawhkan 2, thuthleng sei 2 leh chair-te chhawpchhuah sa an ni ang. Heng bak mamawh neite chuan mahni in tum chawp tur a ni.
18. Inkaihhruaina dan siamte hi tul bik thilah tih danglam theih a ni ang.
LAWMMAN
Pakhatna - Rs. 1,00,000.00 Pahnihna - Rs. 70,000.00 Pathumna - Rs. 50,000.00
Consolation Prize - Rs. 15,000.00
Top 20 - Rs. 5,000.00 Participation Prize - Rs. 3,000.00