Mizoram Legislator Forum on HIV/AIDS
Mizoram Legislator Forum on HIV/AIDS chu Health Minister Pu. Lalrinliana Sailo office ah May ni 8, 2009 khan thukhawmin Mizoram a HIV/AIDS darh zel tur venna atana hmalak dan tur hrang hrang te sawihovin tuna Mizoram dinhmun thlirhona hun an hmang.
Mizoram Legislator Forum ah hian MLA an kal tha hle a, mahni bial theuh bakah an thusawina apiangah mipui te hnena HIV/AIDS chungchang a theih ang a zirtirna pe turin an in tiam a, nasa zawka Mizo mipui tan HIV/AIDS natna ah hian hnathawh an tum thu an tarlang. Mizoram State AIDS Control Society Project Director Dr. K. Ropari chuan HIV/AIDS a Mizoram dinhmun te, MSACS hmalakna te bakah MLA ten an tihtheih hrang hrangte sawina hun a hmang bawk.
Health Minister rawtna angin MLA kalkhawm te chuan ram dang in HIV/AIDS dona kawnga ram hruaituten hma an lakdan zirchiang tura zin chhuah remti tlangin nasa lehzual a hmala turin ke pen an in huam thu an sawi. Mizoram Legislator Forum Member Secretary thar a tan Pu. K. Liantlinga, Aizawl South-I MAL chu lungrual taka ruat niin, remchang hmasa bera thutkhawm leh turin hun hi tihtawp a ni.
